சென்னை சில துளிகள்

 

தி.மு. க ஆட்சிக்கு வந்தால் சென்னையில் மேம்பாலங்கள் கட்டுவார்கள். அ.தி.மு. க வந்தால் ரோடில் ஒருபக்கத்தில் இருந்து மறு பக்கம் போக முடியாத படி தடுப்பு சுவர் கட்டுவார்கள் !

 

காய்கறிகள் விலை சென்னையில் உச்சத்தை எட்டி விட்டது. கேரட், பீன்ஸ் எல்லாமே கிலோ அறுபது ரூபாய் ! எப்ப விலை குறையுமோ தெரியலை

 

பள்ளிக்கரணை அருகே எரியும் புகையால் கடந்த ஒரு வாரத்தில் ஏராளமாய் பாதிப்பு. வாகனங்கள் மேடவாக்கம் வழியே போக முடியலை. வேலைக்கு செல்வோர் கூட சுத்தி கொண்டு போக வேண்டி உள்ளது. இது பற்றி புதிய தலைமுறை செய்தி சானல் தொடர்ந்து தினம் நிலவரம் சொல்லி வருவது பாராட்டுக்குரியது

 

கிண்டியில் பணி புரிவோருக்கு சில நேரம் காலை வேலைக்கு செல்லும் போது புது பிரச்சனை வரும். தலைவர்கள் மந்திரிகள் யாரும் விமான நிலையம் வந்தால் ரோடு மறிக்கப்பட்டு விடும். ரோடை கிராஸ் செய்ய முடியாது. அலுவலகத்துக்கு செல்ல சில மணி நேரம் தாமதம் ஆகிடும்

 

சென்னையில் வெய்யில் குறைய வில்லை. பல இடங்களில் தண்ணீர் கஷ்டம் ஆரம்பம் ஆகிடுச்சு. மழை வரும் வரை சென்னை வாசிகள் பாடு திண்டாட்டம் தான்.

 

****

இத்தகைய சென்னை செய்திகள் அவ்வப்போது பகிர உள்ளேன். இந்த தாதாவை ஆதரியுங்கள் நண்பர்களே !

கோபிநாத் பவர் ஸ்டாரை அப்படி என்ன தப்பா கேட்டுட்டார்?

சீனிவாசன் என்கிற (பவர் ஸ்டார்) போலி மருத்துவரை  கோபிநாத் கேட்ட கேள்விகள் நியாயமாக தான் தெரிகிறது. ஆனால் இணைய உலகமே கோபிநாத்துக்கு எதிராக கொந்தளிக்கிறது.

நீங்களே பாருங்க இந்த வீடியோவை :




கோபிநாத் கேட்ட கேள்விகள் எதற்கும் சீனிவாசனிடம் பதில் இல்லை. அப்புறம் எப்படி அவரை சப்போர்ட் செய்றாங்கலோ தெரியலை !

ஆதரிக்கிறதுன்னா, எல்லாரும் சேர்ந்து ஆதரிக்கறதும், எதிர்த்தா எல்லாரும் சேர்ந்து எதிர்ப்பதும் பழ்க்கமாகிடுச்சோ?

செல்ல பிராணிகள்

செல்ல பிராணிகள் வளர்ப்பது நல்ல விஷயம் தான். ஆனால் அது யாருக்கும் இடைஞ்சல் இல்லை என்றால் மிகவும் சந்தோஷம். என் நண்பனும் நானும் ஒரு கடை வாசலில் உட்கார்ந்து பேசிக்கொண்டிருந்தோம். அப்போது பயங்கரமாக ஒரு சத்தம். சத்தம் வந்த திசையை பார்த்தல் ஒரு 28 வயது உள்ள ஒருவர் மோட்டார் வண்டியில் இருந்து கீழே விழுந்து கிடந்தார். நானும் என் நண்பர்கள் எல்லோரும் சென்று அவருக்கு உதவி செய்தோம். காரணம் என்னவென்று கேட்டால் ஒரு நாய் வண்டிக்கு குறுக்கே வந்து விட்டது என்று சொன்னார். அது தெரு நாய் கூட இல்லை. ஒருவரின் சொந்த நாய் தான். நாயின் உரிமையாளர் அந்த நாய்க்கு சங்கிலி ஏதும் கட்டவில்லை. அவர் இப்படி செய்வதால் அந்த நாய் ரோட்டில் செல்பவர்களை துரத்தவும் செய்யும். இதை அவர் கண்ண்டுகொல்வதே இல்லை .

ஆனால் பாவம் அந்த மோட்டார் வண்டியில் வந்தவர் தான். அவருடைய செல் போன் உடைந்துவிட்டது. மோட்டார் வண்டியும் சேதம் ஆகி விட்டது. இதை அனைத்தையும் பார்த்துகொண்டிருந்த நாயின் உரிமையாளர் தனக்கும் இந்த பிரச்சனைக்கும் சம்மந்தமே இல்லாததுபோல் நின்றுகொண்டிருந்தார்.

வண்டியில் வந்தவரோ தன் கஷ்டத்தை யாரிடம் சொல்வது என்று தெரியாமல் சென்று விட்டார். நாய் வளர்ப்பவர்கள் தங்கள் வீட்டில் உங்கள் செல்ல பிராணி எப்படி வேண்டுமானாலும் இருக்கலாம். ஆனால் பொது இடத்தில் மட்டுமாவது பாதுகாப்பாக சங்கிலியால் கட்டி கூட்டி செல்லலாம். இது உங்களுக்கு மட்டுமல்லாமல் அனைவருக்கும் பாதுகாப்பாக இருக்கும்.

சென்னையில் ஏழு உலக அதிசயங்கள்

சென்னையில் ஏழு உலக அதிசயங்கள்  உங்களை வியக்கவும் மகிழவும் வைக்க வந்துள்ளது.

 

ஐலன்ட் கிரவுண்டில் நூறு நாட்கள் இவற்றை கண்டு களிக்கலாம். வார நாளில் மதியம் மூன்று மணி முதல் இரவு பத்து மணி வரையிலும் பார்க்கலாம். வார இறுதியில் காலை பதினோரு மணி முதல் இரவு பத்து மணி வரை காணலாம்.

 

 

 

 

 

 

தாஜ் மஹால், பிரமிட் இவை இரண்டும் அவசியம் காண வேண்டியவை.   தவற விடாதீர்கள் !

மெட்ராஸ் தாதா ஆட்டம் ஆரம்பம்

சென்னை : இங்கு நடக்கும் விழாக்கள், அரசியல் மேடைகள்,   வித விதமான ஹோட்டல்கள், இன்னும் பல விஷயங்களை இங்கு எழுத உள்ளேன்.